5 منفرد چیزیں جو کراچی کو ایک شہر کے طور پر نمایاں کرتی ہیں۔

کراچی: تعصب سے بالاتر ایک شہر، ایک شناخت

کراچی صرف ایک شہر نہیں، یہ ایک جذبہ ہے۔ ایک ایسا شہر جہاں پشتون، پنجابی، سندھی، بلوچ، اردو بولنے والے،

سرائیکی سب ایک ساتھ جیتے ہیں، مرتے ہیں، محنت کرتے ہیں، خواب دیکھتے ہیں۔ لیکن افسوس، کچھ عناصر اس شہر

کی یکجہتی کو عصبیت اور لسانیت کے زہر سے آلودہ کرنے کی کوشش کر رہے ہیں۔

جب کوئی ڈمپر کسی معصوم کو کچلتا ہے، تو وہ نہ پشتون ہوتا ہے، نہ اردو بولنے والا۔ وہ صرف ایک مظلوم انسان ہوتا

ہے۔ ڈمپر چلانے والے اکثر لاپرواہ، قانون سے بے خوف اور ریاستی رٹ سے آزاد نظر آتے ہیں۔ ان کے جرائم کو کسی قوم یا

زبان سے جوڑنا سراسر زیادتی ہے۔

اسی طرح فٹ پاتھوں پر قبضہ کرنے والے، غیر قانونی اسٹال لگانے والے یا سرکاری زمینوں پر تجاوزات کرنے والے افراد کو

"پشتون" کہنا نہ صرف غلط ہے بلکہ پورے شہر کو لسانی تقسیم کی طرف دھکیلنے کے مترادف ہے۔

جب نسلہ ٹاور گرا، جب الہ دین پارک ختم ہوا، جب سرجانی سیکٹر فور یا نیو کراچی نالا پر کارروائی ہوئی، تو متاثرہ

افراد صرف پشتون نہیں تھے۔ وہ کراچی والے تھے۔ وہ سب جنہوں نے اس شہر کو اپنا سمجھا، چاہے ان کی زبان کوئی بھی ہو۔

کراچی ان سب کا ہے جو کراچی کو اپنا سمجھتے ہیں۔ جو اس شہر کی سڑکوں پر چلتے ہیں، جو اس کی دھوپ سہتے

ہیں، جو اس کی راتوں میں کام کرتے ہیں۔ فرق صرف اتنا ہے کہ کچھ لوگ قانون کے خلاف ہیں، اور کچھ قانون کے ساتھ۔

لیاقت محسود جیسے افراد جب اپنے "پیٹی بھائیوں" کو بچانے آتے ہیں، تو وہ عوام کو روندنے والوں کے ساتھ کھڑے

ہوتے ہیں، نہ کہ کراچی کے ساتھ۔

کراچی کے مسائل کو قومیت یا زبان سے جوڑنا بند کریں۔ یہ شہر سب کا ہے۔ یہاں مرنے والا عام انسان ہوتا ہے، نہ کہ

کوئی مخصوص قوم یا زبان بولنے والا۔

اس طرح کے مزید مواد چاہتے ہیں تو لائک, فالو, اور زیادہ سے زیادہ لوگوں کو شیئر کریں آئیں مل کر لوگوں کو معلومات فرام کریں